依家香港好多「港童」，聽聞佢哋自細被人照顧到連中一學生都唔識摺被，不過絲絲心諗呢28,000名中學生肯定唔係「港童」，原因係佢哋今次參加花旗集團搞嘅「財智星級爭霸戰2011」，學習理財概念，仲會參加一系列嘅網上工作坊，學習投資研究方法及分析技巧。
估唔到呢班中三至中七嘅學生，細細個已經學習理財，絲絲今次收到風，花旗銀行投資策略及研究部主管張敏華（Catherine）會到多間中學巡迴演講，教吓年輕人關於財務管理、金融市場嘅運作及股票分析等。
今次班同學仔仲有機會參加為期12周嘅模擬網上股票買賣，包括恒生指數（HSI）及中國企業指數（CEI）成分股、恒生H股指數交易所買賣基金（02828）及盈富基金（02800），可以將理論實踐，唔知佢哋未來會唔會成為Banker呢？
余絲韻