絲絲講場：孔慶平：挖角如搶民女
內地龍頭發展商之一嘅中國海外（00688）喺尋日搞春茗，主席孔慶平話，農曆新年與太太去咗新西蘭，話貪嗰度夠靜喎！孔總咁鍾意靜，偏偏絲絲講嘢大大聲，孔總好坦白咁話覺得絲絲有少少嘈，不過都仲頂得順嘅！
中海加薪升職留人才
依家經濟好轉，孔總慨嘆佢哋嘅行業挖角情況好厲害，佢哋公司都有好多人被挖走咗，就好似打劫一樣！絲絲問係咪好似強搶民女咁呀，孔總就話，「係呀﹗你見我哋啲管理層係全男班就知啦！」
孔總話會透過加人工及升職留住人才，加薪幅度最少都有平均5%以上o架！另外，中國海外仲有個叫「海之子」嘅計劃，每年會喺不同地方嘅大學聘請幾百名畢業生加入集團。
余絲韻