預約睇樓回升2.4%
節日氣氛完全消散，大量業主及準買家回歸二手市場，刺激睇樓活動回升。代理數據指出，50個指標屋苑今、明兩日共有2,590組客戶預約睇樓，按周回升2.4%，但相比農曆新年前仍相差3.7%，客源方面仍以換樓客為主，佔總客量比例高達40.9%水平。
嘉亨灣睇樓量逆插13%
利嘉閣研究部指出，按地區分析，九龍及新界指標屋苑預約睇樓量同見上升，當中新界區睇樓量升幅較大，按周升4.7%至1,120組，當中荃灣麗城花園、大埔太湖花園及粉嶺牽晴間，客量增幅介乎11%至14%，其中麗城花園樓價較「低水」，故對用家具吸引力。
九龍區20個指標屋苑預約睇樓量按周微增1.4%至1,070組，將軍澳中心及大角咀港灣豪庭增幅達10%與11%，另由於荔枝角美孚新邨上月成交達165宗，盤源及購買力經過一輪急耗後需時補充，故睇樓量僅保持平穩。
反觀，港島區屋苑期內僅錄得400組準買家預約睇樓，較上周減少1.2%，鰂魚涌太古城及西灣河嘉亨灣跌幅更達9%及13%。
維港灣頂層賣1460萬
多個大型屋苑錄逾千萬元成交。香港置業黃慶龍稱，奧運站維港灣2座頂層戶，面積1,729方呎，以1,460萬元成交，呎價約8,444元；美聯蕭文澄稱，同區君滙港1座高層B室獲買家以約1,220萬元承接。中原王淑儀稱，紅磡海逸豪園2座中層C、D室售1,070萬元，約十個月升值95萬元。