論基本因素，新天綠色並唔差，現時天然氣和風電各佔其收入約一半，截至去年六月底止中期盈利約1.47億元人民幣，同比增長81.9%，可見業務正高速增長。再睇股東陣容，摩根大通、未來基金同嘉實基金（HarvestFund）都係佢股東，並齊齊喺上月底增持，最後入貨價位介乎1.93至1.94元，而大摩近日發報告唱好，指集團基本面強勁，目標價2.77元。
保守估計公司全年可賺3億元人民幣，約每股盈利0.26元，現價預測市盈率僅7.77倍，相比同類股如中國風電（00182）及龍源（00916）等動輒二、三十倍，估值明顯大低水，即使上番招股價，市盈率都係10倍左右，相當值博，止蝕1.82元。
詩詩