Weber話，喺春節時太太留喺香港安胎，當佢知道太太有喜時已即刻Book定醫院，不過佢都慨嘆床位難求，咁早準備都係只有一家醫院有回音。
花旗今年旺添丁
其實今年花旗相當旺丁，佢哋嘅環球個人銀行服務客戶管理總監吳詩雅及銷售網絡及抵押信貸業務總監林智剛，亦分別喺上月初次為人父母，絲絲都趁機會祝佢哋嘅小朋友聽教聽話，快高長大！
講番尋日嘅午宴，花旗好畀心機搞，安排咗財神向大家拜年，一邊派朱古力金元寶，一邊講祝賀說話，絲絲好佩服財神，講咗幾十句祝福語幾乎冇一句重複。不過最令人印象深刻嘅係花旗不忘環保，午宴中嘅「佛跳牆」特別剔除魚翅，響應保護受濫捕嘅鯊魚。
余絲韻