Fb幾有投資價值？由超人李嘉誠一早入咗股就可見一斑，前排投行高盛就line up咗班客，投資咗15億美元入去，當時Fb個估值大概500億美元。
價值10億美元
家吓Fb上市計劃仲未有聲氣，為咗滿足投資者，於是Fb就諗住允許啲僱員出售佢哋持有價值10億美元嘅股份。
呢件事可謂一家便宜三家着。一來啲投資者可以買到股票，等個市場流通啲；二來啲員工唔使等到頸都長，可以即時套現，正所謂使到嘅錢先係你嘅錢；三來，Fb個市值又升咗，由高盛投資時嘅500億升到600億美元。不過，依家Fb仲未上市，啲股票來來去去都喺有限投資者手入面轉，個估值升得勁係咪代表一定合理，就見仁見智啦。
余絲韻