Simon四月中會參加一個全港公開嘅羽毛球比賽，依家佢除咗跑山、跑步之外，每個星期仲要打足三場羽毛球，從而「操弗」個人技術同埋體能！
忍口節食增彈跳力
為咗達到目標，Simon聲言一定要努力節食，因為打羽毛球十分講求彈跳力，如果唔畀心機修身，怕大肚腩會影響狀態。絲絲知道，Simon最鍾意就係打羽毛球，平時又會約埋三五知己去練波，以前仲拎過唔少金牌添，名副其實係財金界嘅運動健將。
對於今次比賽，Simon就充滿信心表示，有百分之百信心可以打入四強，但拎冠軍嘅信心就只得九成，因為對手質素好強勁喎。
余絲韻