其實特朗普早喺○八年七月已經想進軍印度樓市，小特朗普當時講過，集團計劃以最多10億美元資金，成立一隻專門買印度房地產嘅基金，但其後因為金融海嘯爆發，迫P:不得已押後計劃。
瑞信早前發表報告提過，受惠於經濟快速增長，估計印度富豪嘅總身家喺未來5年內會急增近倍至6.4萬億美元。萊坊孟買地產經紀納拉亞南估計，印度未來地產發展嘅大趨勢，係將會有愈來愈多出名品牌嘅大廈，如特朗普大廈或Versace Residences等出現喺當地城市。
印度樓市逐漸回春，當地普遍地區嘅樓價已由低位大幅反彈30%至70%，部分地區甚至超越海嘯前高位，所以特朗普選擇呢個時候進軍印度絕對係明智之舉。
余絲韻