年初至今，港股持續向好。在去年底中央頻頻出手收緊銀根時，仍然話睇好後市的我，當然可以鬆一口氣。不過，我有一個問題請教大家，近期港股強勢背後的利好因素是甚麼呢？
以上問題困擾了我一星期。先看內地，中央繼續出手抗通脹，同時亦對股市有一定負面影響，內地股市表現亦唔多好睇，不會是刺激港股的因素。順帶一提，我也曾大叫睇好內地股市，雖然暫時表現唔多好，但對整個第一季的表現有信心。麻煩今季完結才找我算帳。
再看本港，雖說成交回復活躍，但這個「活躍」也只是每日700億至900億元成交。有朋友向我分析，話港府的額外印花稅措施，鼓勵原先炒樓的資金流入股市。又見傳媒報道係對沖基金入市。不過，近日港股成交不算大升，頂多只是回復長假期前水平。
如要找利好原因，大概是美股向好，企業業績不錯，帶動港股向好。此刻，我反問自己，是我睇市功夫未到家，還是股市就是如此？升跌從來沒有真的理由。我上周說過，勿成為「最樂觀的投資者」。
近日要做股神不難，在恒指成分股亂點幾隻推介，好難揀到唔升的股票。讓我又亂點，我會繼續睇好內銀股，另外就是石油股，原因在我的微博已寫了，不再重複。
跟進上次講到Facebook市值的話題。據高盛最近發給客戶，關於Facebook二手市場交易的文件。Facebook股價在上周三完成的二手市場已升至每股28.26美元，即市值進一步升至700億美元以上。這份文件指出，Facebook上月初股價為21.01美元，即一個半月升幅近35%。
大健
大健，財務碩士畢業，投身財經記者行列數年，之後無論轉職歐資投行，抑或現任職英資金融機構，始終情繫中環，相信各有前因莫羨人。
微博：http://t.sina.com.cn/taikin