市場歸位後大炒環球經濟復甦概念，環球資金大舉流入股市掃貨，報告指出，二○一一年首周主要區域均錄得資金淨流入，亞太區（日本除外）淨流入6.6億美元，是近期新高。加上港股在內嘅環球股市，已扭轉去年底「熱錢走佬」情況。
資金重臨香江，後市有姿勢有實際，夠條件再下一城，整固後真係大有機會上破24,000點大關！
資金亦重新回流中港股票基金，中國及香港股票基金分別淨流入2.5億美元及7,800萬美元。由於通脹風險愈來愈大就唔使講，將促使愈來愈多資金，由債券流向股票市場，令一一年股市前景再上衝。
此外，加上花旗大國又正式踏入企業業績公布期，同時亦有多項重要經濟數據出台，足以左右大市走勢。美國經濟近期持續好轉，已令消費者信心轉強。不過，消費市道會否更上層樓，則要留意私人職位能否加快增長。
聯儲局副主席耶倫更力撐當局的次輪量化寬鬆措施（QE2）購債計劃，話政策會為當地增加300萬份職位，亦有助當地避過陷入通縮。因為要還債，息口就要持續低企，資金又要流入股樓，又要為大家一齊飲酒而狂歌起舞。留意啦！
最後長氣啲都要講多句，內需股依然係二○一一年嘅重點板塊！
香港大學電子金融服務榮譽助理教授 徐燦傑