尋日大市持續調整，但詩詩之前推介過嘅英皇鐘錶（00887）就逆市升逾2%，收報1.18元。
講到呢隻股，詩詩首先要認吓低威，上月三日推介時股價喺1.2元樓上，但之後跌到1元才見底，惟詩詩始終對佢有信心，事關當日睇好嘅理據，包括零售市道興旺、業績表現樂觀等，在這段時間內並無任何改變。還有就是大股東期間頻頻出手增持，上月至今多番買貨，最新一次是一月四日，買入200萬股。彼德林治嘅名言話齋，大股東沽貨可以有好多理由，但買貨原因只得一個，就係睇好。
受惠於零售暢旺，英皇鐘錶去年中期盈利大升92.2%，至9,827萬元，而下半年度由於有「十一」同聖誕新年旺季在內，業績應可更上一層樓，在三月公布全年業績前，話唔定又會發盈喜，加上春節消費旺季又到，該股趁機突破52周高位1.38元應是指日可待，值得博多一次，目標維持睇1.45元，止蝕1.05元。
詩詩