新一年財金界挖角潮又再湧現！本來喺寶來證券（香港）做外匯分析師嘅陳健豪（Aaron），尋日正式返新工，並由分析師「升格」做BMI基金管理高級副總裁，與BMI基金管理總裁沈慶洪（Patrick）做同事。
Aaron未來除咗講匯市之外，亦會講埋宏觀經濟走勢，正所謂「多勞多得」，平時Aaron做嘢咁勤力，絲絲相信佢一定可以做好呢份新工嘅。
依家中國經濟咁勁，好多人都北上打工或創業，Aaron亦唔例外。佢話：「自己啲普通話都唔差，返內地主要係做投資講座，溝通上應該冇乜困難」。絲絲都聽過佢講「煲冬瓜」，發音都幾準㗎！老實講，呢個時勢梗係賺人民幣好過賺美金喇，所以識多啲中國朋友，機會自然多好多。
余絲韻