為國際培幼會籌款
同樂日嘅節目相當精彩，包括體育、藝術及手工藝活動等，仲邀請咗好多小朋友參加，保誠香港行政總裁容佳明（Derek）話，希望與香港小朋友分享聖誕節嘅喜悅之餘，亦幫到內地有需要嘅兒童。保誠嘅員工及理財顧問踴躍捐款，保誠為咗表示支持及鼓勵，更作出等額捐助。據悉佢哋為國際培幼會籌咗超過30萬元捐款。
其實今次係保誠香港首次與國際培幼會合作，Derek話一向認同該會喺內地嘅慈善工作，希望活動可喚起更多人對內地貧窮地區兒童嘅關注。
絲絲知道，今次保誠香港嘅贊助已幫到約2,500個營養不良嘅兒童，為佢哋購置有關營養及健康知識嘅課本，以及改善學校嘅廚房及衞生情況。
余絲韻