提起保險界元老級人馬，相信大家會即刻諗起謝仕榮（Edmund），尋日絲絲聽到消息，話Edmund會擔任友邦保險（01299）非執行主席，為期兩年，而原本身兼任執行主席嘅杜嘉祺（Tucker），就會轉任總裁兼首席執行官。
其實謝仕榮早喺一九六一年已經係「友邦人」，仲曾經擔任友邦主席兼行政總裁，雖然佢喺去年退休改為擔任名譽主席，但都一直關心友邦嘅動向，早前友邦喺重重波折下上市，都搵埋佢入董事會，今次由佢出馬擔任非執行主席可謂絕對夠卡士。
其實唔少企業管治嘅理論都話，一家企業嘅主席與CEO嘅職責要分清楚，唔應該由一個人做晒，今次友邦區分主席與首席執行官嘅職責，可以話係順應潮流，一方面令杜嘉祺可集中精力喺營運管理及盈利表現，另方面又可消除外界對友邦權責太集中嘅憂慮。
余絲韻