變甜品師傅整曲奇
恒生義工隊今年「工作時數」都唔少，到咗年尾一樣未有放軟手腳，早前佢哋由「賓卡」變身甜品師傅，與深水埗一班基層小朋友喺員工餐廳齊齊整曲奇。
Margaret平時做好條數就一定係高手，絲絲發覺原來佢砌靚啲甜品都非常掂，今次就與小朋友喺巨型聖誕薑餅屋上加自製裝飾，好玩過裝聖誕樹，佢話仲可以發掘小朋友嘅創意添，不過絲絲見到個聖誕薑餅屋咁靚，雖然知道可以暖胃，都未必捨得食。
銀行界履行社企責任一向都做得唔錯，恒生義工隊服務時數更係高到出晒名，不久之前先喺香港義工嘉許典禮拎咗去年私人團體最高服務時數獎，佢哋去年共做咗1.7萬個小時義工。
余絲韻