今年本港新股上市旺場，集資額更創新高，中國動物保健品（00940）亦趕上尾班車，尋日以介紹形式上市，呢間公司業務性質都算新奇，佢哋仲特別送咗隻金雞畀港交所（00388）做紀念品！
新加坡上市嘅中動保揀香港作為第二上市地，原因係想覆蓋更多投資者，而且香港又咁接近內地，投資者對公司就更容易理解嘞。
顧名思義，呢間公司係主要生產及銷售禽畜藥物，所以喺上市儀式上送畀港交所嘅紀念品都係動物，呢隻金雞係寓意希望大家都賺到盆滿缽滿。平時公司上市多數都係送吓虎、牛等猛畜擺設，寓意生生猛猛，真係好少見到送雞，雖然中動保贈禮嘅解釋有啲牽強，不過呢個又係萬用解釋，因為個個都希望發㗎喇！
余絲韻