淡友突襲，恒指一度跌逾500點，收報22,975點，跌455點，成交增至逾700億元，但仍處22,800-23,500點波幅區，估計月底年結前將繼續呈上落市格局。個股方面，鋼鐵股升勢短癮，反而昨日提及的世大控股（08003）逆市上升，收報0.243元，升幅11.47%，表現唔錯！
異動股尚可留意逆市走高的深圳國際（00152），以全日高位0.71元收市，升2.9%，成交3,351萬元。
老實講，呢兩三年唔少紅籌股隨着業績改善，股價錄得不俗升幅，惟深國嘅表現就一般，雖然價位細，亦有唔少表叔炒家想圍飛炒落後，但偏偏「球場」太大，踢極唔郁，事倍功半。
不過，九月以來深國股價終於靜極思動，由0.5元起步升至上月高位0.68元現回吐，但50日及10日線現承接，本周成功突破上月高位創52周高位，是否醞釀資產重組活動，要等着瞧。純睇走勢，短線企穩0.7元樓上，將站上新台階，目標向0.8元進發，穿0.66元止蝕。
古晨