港股昨日表現較預期為佳，恒指低見22,785點後呈牛皮偏軟，下午三點過後開始顯著上揚，收報23,166點，升288點，但大市成交只有651億元，上落市毋須太過上心。
昨日金飾零售股遇沽壓，六福集團（00590）及周生生（00116）分別下跌6.45%及10.52%；景福集團（00280）跌6.5%。接力向上的是服裝零售股，JOYCE（00647）及慕詩國際（00130）分別升52%及9.49%。
就順勢將注意力轉向落後股零售股身上，香港資源（02882）呢期股價表現如定海神針，相對於其他零售股，可謂大落後。
香港資源將於今日宣布截至九月底止中期業績，究竟業績會證明股價真係大落後，即時急起直追，抑或是壞消息，證明股價原地踏步係有其原因，筆者跟大家一樣，都係等睇戲，但若然今次業績消息正面，相信班炒家唔會放過炒作機會，向上阻力在1.5元，跌穿1.2元止蝕。
古晨