絲絲講場：新設理財中心滙豐圓方吸貴客
九龍站上蓋豪宅物業價格高企，內地同胞嘅「貢獻」確實唔少，為咗吸納呢批超優質客戶，滙豐銀行喺圓方商場開設專攻貴客嘅卓越理財中心，滙豐香港區總裁馬凱博仲用普通話與大家打招呼添。
冰上舞龍賀開幕
「你們好，我說的中文懂不懂？」身為老外嘅馬凱博喺開幕致辭時，用一口都幾純正嘅普通話與嘉賓打招呼（至少在場人士都聽得明兼即時拍手），儀式之前除咗有傳統嘅舞獅慶祝新分行開幕，儀式上還有冰雕滙豐Logo坐鎮，仲特登包起溜冰場搞咗一場冰上舞龍，熱鬧到不得了。
開幕儀式門面工夫做到足，圓方分行亦特別照顧內地客戶，入面嘅設施特別增設簡體中文指示。全港有逾420萬個人客戶嘅滙豐，未來仍會增加分行、為個別分行進行擴充以及優化分行設施，唔知下次開新分行時，佢哋又有乜嘢新搞作呢？
余絲韻