「感謝狀」Show獎項
咁又係嘅，今年以來中電信贏咗十幾個獎項，破晒歷年嘅紀錄，當中榮獲亞洲最佳管理公司第一名及亞洲最佳公司治理企業等，都唔只係與電訊公司競爭，而係與區內所有企業比較，加上大部分獎項係由基金經理投票選出，公信力又高咗一個層次。「感謝狀」係客氣啫，再次勾起大家記起集團贏咗咁多獎先係「主菜」。
其實近年中國喺國際舞台上嘅地位愈嚟愈重要，企業盈利能力又愈嚟愈高，內地公司亦開始重視企業形象，對於能否真係「走出去」有好重要嘅作用，中電信專登揀喺西方大節日感恩節刊登「感謝狀」，擺明要同國際接軌啦。
余絲韻