恒指昨日反彈上23,000點，收報23,023點，升127點，但大市成交縮減至只有828億元，可見唔少投資者都選擇靜觀其變，不急於入市抄底。
市場觀望氣氛濃，股份呈個別發展。若要論異動板塊，零售股仍然係炒家樂園，慕詩（00130）及威高（01173）分別升18%、鱷魚恤（00122）及漢登（00448）分別升14%及12%。老實講，估值仍然落後的零售股經已買少見少，在下月聖誕新年高峰期前，有貨要提早割禾青！
異動股中昨見永興國際（00621）股價曾高見0.73元，收報0.71元，升5.97%，成交2,481萬元。公司將於下周一宣布中期業績，而上月下旬，公司曾披露正就可能投資或收購海外金礦及可能出售若干資產進行商討，且看業績公布前後是否有進展。
純睇走勢，今次升浪起自上月初，目前仍處上升軌中，若然真係有好消息跟尾，應該唔難踢上0.8元樓上，止蝕位0.65元。
古晨