灣仔炒家撻訂棄購

樓市氣氛轉壞,早前好炒的港島單幢樓及舊樓亦觸礁,灣仔有炒家「輸少當贏」,損失15萬元放棄購入區內怡明閣高層戶,而北角樓齡逾三十年的富豪閣有買家寧願蝕近40萬元,亦撻訂取消買賣。

四季張煒磯稱,於灣仔持有約3伙的炒家,在新措施推出前剛以260萬元購入怡明閣高層戶,已付10萬元訂金,惟恐樓價下跌,遂連佣金蝕15萬元撻訂。

張氏續稱,同區亦有炒家「劈價」,一個上月剛以近250萬元購入樓齡近四十年金石樓面積600方呎單位的買家,原以確認人身份叫價330萬元放售,近日叫價勁減至270萬元,減幅逾18%。

富豪閣買家縮沙 蝕40萬

世紀21日昇黃文龍稱,富豪閣2座高層C室,原先連約售639萬元,惟新買家見市況回軟,而連約戶按揭成數較低,即撻訂近30萬元,料連使費蝕40萬元。

新界舊樓亦錄撻訂,世紀21奇豐高蕾斯稱,大圍積富樓高層戶,原以129萬元售出,並已付5萬元訂金,昨買家已撻訂。另港置姚偉南稱,荔枝角美孚新邨暫錄2宗撻訂個案,亦有6宗口頭協議撻訂。另市場消息,該屋苑在新措施後,至今未錄任何二手成交。

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率