到咗最後，大家以為就嚟散場之際，東方匯理亞太區環球銀團貸款部主管Atul Sodhi叫大家唔好走，仲要做多個「民意調查」，當大家正為仲有乜嘢問題而估估吓，大螢幕就出現咗條題目，原來Atul Sodhi將滙豐亞太區銀團融資主管Phil Lipton擺咗上枱，條題目就係問佢今日條底褲係乜嘢顏色！
現場答案有紅色、藍色及白色畀大家揀，不過當然唔排除Phil冇着，令大家冇得估，所以冇着就成為最後一個選擇，結果居然有55.9%「賓卡」估佢冇着底褲！
Phil唔肯正面回應，當然冇披露真實情況，唔通外國人真係不論春夏秋冬，都鍾意着得通爽啲？
余絲韻
S:A