絲絲講場：中建資源「有條件地」換人？

絲絲平時都好留意港交所（00388）嘅通告，一來可以知道乜嘢股票有上升潛力（好多時喺通告嘅字裏行間可發掘唔少先機），二來大部分通告都係由專業人士主理，多讀自然獲益良多。好似日前睇到中建資源（08163）一份通告，絲絲又學到新名詞，就係「有條件地辭任」及「有條件地委任」。

中建減持大執位

話說中建電訊（00138）減持旗下中建資源（08163）7億股畀公司董事黎永雄，套現6,790萬元，與此同時，中建資源主席麥紹棠與譚毅洪、鄭玉清、林志華及William Donald Putt等人會「有條件地辭任」公司嘅職務，而黎永雄及馬恒幹將被「有條件地委任」為執董，去年離開公司嘅馬恒幹更被「有條件地委任」為主席、行政總裁等要職添。

絲絲一位投資銀行界朋友話，做咗咁耐都未聽過「有條件地辭任」及「有條件地委任」呢啲字眼。

呢位朋友話，其實份通告都寫到明，以上嘅辭任及委任都要等減持交易落實先作實，但既然係同一公司，唔明雙方點解咁缺乏信任。

余絲韻

跨媒體地產網新居入伙 幾萬個精選樓盤 歡迎睇樓！

Money18新功能「18好路數」為你預測心水股票升跌機會率
S:A

Money18更多即時港股指數資訊