行動支持大福易名
大福尋日第一日以海通個名嚟Trade，而股權第一項變動，就係來自黃紹開嘅增持行動。據港交所（00388）資料顯示，黃紹開喺上周二（十六日）增持咗12.28萬股，咁啱得咁蹺，尋日公布出嚟，每股平均作價6.372元，總涉資78.24萬元，而佢喺海通嘅持股量就由1.7%升至1.72%。
尋日大福改名個酒會真係名人雲集，Peter喺致辭時就話，大福過去一直積極拓展海外市場，增加海外金融產品邁向國際化，今次有埋海通，又可以借海通嘅內地Network走向大陸，未來一定可提供更優質嘅產品。Peter增持股份，睇嚟佢對未來業務真係好有信心。
余絲韻