內銀受壓中行供股權跌3.7%
人行再調高存款準備金率0.5個百分點，令一眾內銀股受壓，中行（03988）供股權（02946）昨第二日交易，收報1.56元，跌3.7%，適逢多間銀行正排隊供股抽水，令散戶進退兩難。
散戶進退兩難
持有數千股中行的散戶陳先生直言現時七上八下，不知「供定唔供」。他認為十供一的供股比例太碎，令散戶變相多了碎股，日後難以買賣，因此他傾向不供股。「我供咗之後大約多咗800股，連一手都唔夠！不如早啲賣晒中行出去仲好！」陳先生指，原本昨日打算沽中行，但恒指繼前日反彈後再次回落，只好期待周一再算。
散戶梁女士則力撐中資金融股，認為即使內地再調高存備率，內銀仍然走俏。她現持有中行、建行（00939）和工行（01398），並明言會「全供」！她表示供股為收息，是長揸之選。她認為內銀股息高，成交大，長遠仍有着數。「呢啲都係我好耐以前揸落，全部用嚟收息。好似建行我4蚊開始揸，每年派2,000蚊息，你話去邊度搵?所以我一定供㗎啦！但買唔買多啲就要睇下供股之後嘅表現啦！」