雖然大市調整，但部分股仔卻仍見鑊氣，又係詩詩出動搵食嘅時候，昨日見隻中能控股（00228）逆市升5.95%，收報0.445元，突破自九月尾至今的下降軌阻力，而且成交又有番咁上下，達3,159萬股，走勢呈強，值得留意。
基本因素方面，雖然純睇中能的中期業績可能會令人失望；不過，其最大賣點卻是集團於○九年出售中式酒樓後，已致力拓展天然氣業務。目前內地天然氣價格僅是國際價格25%，未來還有龐大提價空間外，亦受惠於國家推行潔淨能源的大趨勢，前景確實不可小覷。
策略上，古語有云「寧買當頭起」，既然中能股價昨日初現突破，不妨小注跟進，目標0.56元，跌穿0.41元止蝕。
詩詩