最近幾個月一直坐鎮深圳，好少喺台灣露面嘅鴻海集團董事長郭台銘，就快榮升孖仔老竇喇！聽講佢太太曾馨瑩佗住嘅一對孖仔，最快喺呢個禮拜出世。郭氏夫婦生肖都係屬虎，如果再生對雙胞胎虎仔，郭家就「一門四虎」嘞。
郭台銘曾經講過，佢同太座都屬虎，虎年點可以唔生虎子呢？連曾馨瑩自己都好恨生隻老虎仔。據接近郭家人士透露，曾馨瑩極可能一舉得「兩男」，簡直係雙喜臨門。
郭台銘喺上月剛啱過咗60大壽，佢自爆依家最大嘅快樂同幸福，就係幫佢嘅寶貝女妞妞沖涼，佢好希望為妞妞生嗰細佬，睇嚟郭董好快可以一圓宿願。
由於上次曾馨瑩入院生產時引發記者追逐，甚至有記者喺醫院內逐層樓咁搜，所以今次郭台銘對愛妻生仔一事保密到家，對外下達封口令，連集團上下都三緘其口，大家惟有等吓喇。
余絲韻