Derek絞盡腦汁之後，「人潮管制措施」終於出台，就係租幾架巴士，管接管送啲同事，聽落好鬼服侍周到。講到主菜就係晚宴嘅角色扮演（Cosplay），條件係用星展嘅紅色及黑色做主題，Derek一樣玩創意，成個部門戴晒眼罩，連佢都變埋身做青蜂俠，不過最後都不敵公關部，因為女士用利是封製成裙擺，千嬌百媚令人拜服。
拓百萬大戶服務
諗頭多多嘅Derek話，星展香港嚟緊會先針對戶口資產總值達100萬元或以上嘅豐盛理財客，包括推出豐盛理財白金信用卡及亞洲旅遊大抽獎等，而且依家外匯市場咁波動，佢哋會用集團旗下嘅外匯投資平台提供唔同服務，又會強化財富管理業務以及提升對內地客戶嘅服務。
余絲韻