絲絲講場：飛達催谷品牌首設旗艦店「NOP」

飛達主席顏禧強同絲絲講，話揀喺擺花街開店係貪嗰度夠Hit，仲特登將店舖裝修到好有英式懷舊風格，絲絲都經常同班姊妹喺呢頭Shopping，因為鍾意呢頭多潮物。除咗自家品牌之外，顏老闆仲話會有好多知名日本品牌放喺舖頭度賣，好似Milsa、Castano、Grace及Deserve等。

吸收京奧經驗

飛達今年中期業務已轉虧為盈，賺咗超過一千萬元。絲絲記得今年初與老闆娘顏寶鈴食飯，當時佢呻到樹葉都落埋，因為喺金融海嘯後，啲工人大把工可以揀，於是佢哋又唔夠工人用。辛酸史又點只呢樣嘢，好似佢哋為京奧生產帽子，未能為集團帶嚟可觀嘅盈利貢獻，反而要大幅撥備，顏寶鈴話吸收咗京奧經驗，早前嘅南非世界盃要有定單才會生產。

余絲韻