絲絲講場：黃建業攜眷睇《清明上河圖》
樓市熱火朝天，做物業代理嘅，真係忙到氣咳，絲絲喺美聯做agent嘅老友，都話日日冇停手。不過，佢老細黃建業（Freddie）無論幾忙都好，都抽時間去睇《清明上河圖》電子動態版，仲帶埋老婆同埋一班高層去。
《清明上河圖》電子動態版首次來港，60萬張預售門票一早賣清，加推門票都應付唔到需求，絲絲撲唔到飛。Freddie係獲香港賽馬會嘅邀請首賞，先睹為快，睇到呢幅世博會中國館「鎮館之寶」，Freddie同老婆Metty猛話好精彩，仲叫絲絲千祈唔好錯過。
Freddie最欣賞電子動態版《清明上河圖》，將傳統嘅藝術文化精粹，同埋最新嘅現代科技完美結合，佢同班美聯管理層大為讚嘆，仲話猶如置身近千年前嘅北宋首都汴京，感受到當時社會嘅繁榮發展。
余絲韻