捐款支持員工參加
除咗薛太，當然唔少得恒生嘅長跑好手，即係佢哋嘅助理總經理張樹槐（Walter）啦！自二○○二年開始，Walter八年間已經參加過25次馬拉松，年中先啱啱喺美國波士頓跑完，接住又參加今次上海嘅全馬賽事。絲絲問佢會唔會怕天氣凍影響表現，佢話之前都試過喺攝氏8度跑過，依家都一直有訓練，仲將今次目標定喺4小時內完成添。
絲絲仲知道，除咗富有團隊精神之外，今次恒生嘅參與仲好有意義，因為每個參加全馬賽事嘅員工，恒生相應會捐1,000元人民幣出嚟，參加半馬嘅都有500元人民幣，所得款項會用作慈善用途。恒生支持運動之餘亦不忘慈善，到時絲絲都要幫手打氣先得。
余絲韻