期指觀瀾：後市傾向反覆上揚
內地公布十月CPI按年升4.4%，比大行估計嘅4%高，控制全年通脹在3%至3.5%範圍內，似乎難度大增，但唔緊要，最重要人行控制市場通脹預期，確係了得，CPI曝光前先加存款準備金率，顯示壓抑通脹的決心。
結果，中港兩地股市昨日無因為CPI攀升而失控，反而連跌兩日之後反彈，恒指升199點報24,700點。大市持續高成交，達1,227億元，足夠支持大市向上。
恒指及期貨昨早市低位分別去到24,458及24,505點後，立即掉頭回升，睇番過去三星期恒指由22,808起步升到24,946點，0.764升幅支持，正好在24,441點，昨日試一試第一個支持已立即抽升，或多或少可見市底之強。
期指的大低水，初步得到修正，昨日期指升287點報24,695點，低水收窄到5點。牛市莫估頂，一連兩日無法在24,400點再開好倉，現在看來，24,750點偷位平掉的好倉，好可能需要原位買番，上述恒指及現貨的低位，可以視為短線大市重要支持，只要能夠守於其上，一浪高於一浪的形態未變。
John Mullen