美國唔少節目主持人口才了得個個都知，原來佢哋對觀眾嘅影響力都唔細架，就好似清談節目《The Daily Show》主持人Jon Stewart咁，早排喺美國「2010年度最具影響力男性排行榜」勇奪冠軍，就連總統奧巴馬都輸畀佢，可想而知佢嘅一言一行都影響力十足。近日更有報道話，原來財政部長蓋特納亦曾經約過Stewart傾「密偈」，仲係關於經濟問題嘅話題，唔知嗰次對話有乜嘢啟發畀到蓋特納呢？
聽講喺四月時，可能蓋特納畀人民幣升值議題搞到頭都大埋，想聽吓另類意見，最後就揀咗Stewart呢位名嘴，整個傾談喺Stewart嘅Office私下進行。據講喺同一日，其實蓋特納亦有打過電話畀民主黨國會議員、參議院及眾議院等相關人士問意見。
唔知係咪咁啱嘞，蓋特納喺第二日就宣布財政部延後向國會提供有關中國是否操控貨幣嘅報告，同時仲試圖推動奧巴馬嘅金融監管改革獲國會通過添。
余絲韻