絲絲講場：友邦掛牌首日主席入貨
新股「集資王」友邦保險（01299）上市剛啱一個禮拜，撞正個市㷫合合，日日都聽到啲股民話仲追唔追好，絲絲尋日睇聯交所股權資料，發現友邦執行主席杜嘉 喺公司掛牌首日已經吸納咗34.4萬股，呢個行動應該畀到大家信心喇！
平均價22.355元
杜嘉 當日以每股平均價22.355元增持34.4萬股友邦，涉資769萬元，持好倉由零升至0.01%。
友邦招股價係19.68元，首日掛牌漲逾17%，收報23.05元，成績令大家喜出望外；之後幾日股價都好穩定，尋日就收報22.9元，單日漲1.1%，仍高於招股價16.36%，成交達24億元，位列成交額榜第6名，仲勁過港交所（00388）。雖然杜嘉 嘅增持行動暫未見大收穫，但呢類高管嘅增持行動往往都係睇好長線嘅，話唔埋要一年半載先會有收成。
余絲韻