新股四環醫藥（00460）開市不久已見全日高位6.09元，收報5.77元，較招股價高25%，話唔定要收一浸貨才再起動。昨推介的盈天（00570）開市價1.13元，曾高見1.21元，但由於四環一步到位，某程度影響醫藥股氣氛，最終盈天倒跌兩格收市，報1.1元。
再睇其他異動細價股，通達集團（00698）有動靜，昨日股價曾搶高上0.35元，收報0.34元，升幅6.25%，成交1,391萬元。查實呢隻工業股有盈利基礎，估值亦唔係貴，但呢幾個月股價表現與大升市無緣，到了如今指數升勢稍緩，炒家轉吼呢類實力股仔，既安全又好炒，唔難理解，小注跟炒目標睇0.39元，穿0.3元止蝕。
古晨