鑊鏟快線:通達集團靜極思動

即月期指結算,埋單計十月期指按月升約822點。若要問十一月股市方向如何,貼切些不如直接問美元走勢如何,且待下月初聯儲局議息及推出第二輪量化寬鬆政策後再下定論。

新股四環醫藥(00460)開市不久已見全日高位6.09元,收報5.77元,較招股價高25%,話唔定要收一浸貨才再起動。昨推介的盈天(00570)開市價1.13元,曾高見1.21元,但由於四環一步到位,某程度影響醫藥股氣氛,最終盈天倒跌兩格收市,報1.1元。

再睇其他異動細價股,通達集團(00698)有動靜,昨日股價曾搶高上0.35元,收報0.34元,升幅6.25%,成交1,391萬元。查實呢隻工業股有盈利基礎,估值亦唔係貴,但呢幾個月股價表現與大升市無緣,到了如今指數升勢稍緩,炒家轉吼呢類實力股仔,既安全又好炒,唔難理解,小注跟炒目標睇0.39元,穿0.3元止蝕。

古晨

跨媒體地產網新居入伙 幾萬個精選樓盤 歡迎睇樓!

Money18新功能「18好路數」為你預測心水股票升跌機會率