絲絲成日都覺得錢唔易搵，要喺股市、債市賺錢更加唔容易，尤其係近年市場咁大波動。好似平保（02318）副首席投資執行官陳德賢接受外電訪問嗰陣都話，入咗平保做嘢差唔多5年，今年係最難爭取回報嘅一年，明年嘅回報亦好可能與今年差唔多。
佢咁講主要係因為今年債券收益率下降，股市又跌，爭取回報自然難咗，而且負利率亦係一大關注點。雖然係咁，陳德賢亦提出唔少計劃以提升回報，好似佢話會做多啲信貸風險高嘅投資，又會買多啲無擔保債券，做多啲基建投資，依家房地產只佔佢哋投資組合不足1%。
A股已經上番3,000點，陳德賢相信股市會愈嚟愈好，今年跌一跌反而令估值更加吸引，盈利增長亦穩定。佢畀咗啲貼士大家，就係睇好銀行股及保險股，平保復牌之後係咁升，唔知佢最睇好嘅會唔會係自己公司呢？
余絲韻