中國俗語話「富不過三代」，不過有二百幾年歷史嘅施羅德，家族財富嘅承傳迄今已經「五代」喇。第五代傳人Schroder Bruno出席施羅德台灣二十周年慶典時，分享咗家族成功秘訣，佢提到兩項家族精神「承諾幸福」及「低調謙虛」，加上企業經營嘅三大秘訣——「前瞻思維」、「注重專業」及「股東支持」，先可以咁多年來都屹立不倒。
據財經雜誌《福布斯》今年嘅全球富豪排名榜，施羅德家族排第437名，佢哋好重視前瞻性思維，早喺○○年時斷然賣咗投行部門，專注於資產管理領域，成功避過咗金融海嘯衝擊，而Bruno喺○○年起就唔再介入集團經營，全權委託專業管理人負責管理全盤生意。
今年已78歲嘅Bruno話，細個時阿爸就教佢「做人要低調不誇耀」，千萬唔好炫耀自己嘅財富，否則會識唔到朋友，所以佢做人一直好低調，佢個公事包一用就用咗15年，個袋嘅皮裂開晒都未換，而佢唯一嘅奢侈興趣係揸小型飛機。
余絲韻