期指觀瀾：兩大因素利好港股後市

上星期五，港股一度高見23,093點，相當接近23,099點的金融海嘯後高位，收市前儘管升幅大為收窄，只係升59點，由高位回落149點之多，但如果看看同日一眾亞太區股市統統出現調整，港股與剛復市的A股，表現其實是一枝獨秀，強到無朋友。

目前港股的歷史估值介乎9至25倍之間，今次低息情況史無前例，美國二輪量化寬鬆以及人民幣升值兩個短期利好因素結合，目前估值大約15倍的港股未算瘋狂，後市可以容許更高估值出現，問題反而以期指計，今浪由20,229點起步去到上周五的高位23,103點，一直無較大幅度的調整出現，令未有低位揸好倉的，只能看着升浪恨得牙癢癢，亦感入市風險增加。

好友目下有兩個較可行入市策略，一是堅持等回吐來臨，例如跌至0.764的升浪支持位22,424點附近才買，或者唔理會超買，先入市再把止賺位逐點推高，盡量賺取時間，預備輸最後一注。而對於且戰且走好友們，今日建議的即市止賺位在22,740點。

John Mullen

跨媒體地產網新居入伙 幾萬個精選樓盤 歡迎睇樓！

Money18新功能「18好路數」為你預測心水股票升跌機會率

Money18更多即時港股指數資訊