億元股東一年382人
絲絲翻查有可比數據嘅105間創業板公司中期業績，發現整體純利只有30億人仔，增長率較中小板及主板公司低成廿幾個百分點，但呢一點並唔妨礙創業板成為「造富機器」。有人統計過，呢一年嚟共有753名個人股東出現喺創業板上市公司十大股東名單，其中382人有過億元身家，比重超過一半。就算近月大市持續調整，持有股權市值逾10億元嘅仍有37人。
聽內地券商講，監管機構好想通過創業板嘅「財富效應」，加快推動「中國製造」轉向「中國創造」，只不過現時創業板投機性偏高，最近又頻頻傳出內幕交易案件，反而見唔到創業板高增長嘅特性，睇嚟中證監都要諗吓點樣加強市場監管先得喇。
余絲韻