每年搞五項團隊盃
恒生每年都會搞「恒生團隊盃」籃球賽，今年有一百九十五名員工參加，組咗二十隊，剛過去嘅周日就搞決賽，仲由助理總經理兼商務理財業務主管徐振文（Thomas）負責開球禮及頒獎。
絲絲每次同Thomas傾偈，都要抬高頭，事關Thomas係恒生籃球界高人代表，佢唔單只球技精湛，身高亦有成六呎二吋，打籃球優勢十足，以前佢都曾經參加過「恒生團隊盃」。佢同絲絲講，話恒生好多同事都係籃球好手，好高興同事透過運動發揮團隊精神。
其實恒生真係特別支持同事做運動，仲每年都搞五項「恒生團隊盃」比賽，除咗剛結束嘅籃球賽外，仲有乒乓球、高爾夫球、足球及保齡球比賽。
余絲韻