食肆市道唔樂觀
佢話公司收購MIX係希望多一個品牌，主攻高檔次市場，令公司品牌多元化，好似旗下嘅利華超級三文治主攻中產人士，大家樂就主攻大眾化食品。不過佢同絲絲講，話今年食肆好難做，首季市道疲弱，市民嘅消費唔太理想，以為第二季會反彈，點知與首季嘅情況差唔多，主要係市民擔心通脹節約消費，佢認為第四季食肆市道仍會疲弱。
佢又話依家唔評論最低工資嘅事，但即使公司發盈警佢都會全力支持，近月公司員工已加薪2%，至於日後會唔會再加薪，就要視乎市場環境。佢話最低工資唔係洪水猛獸，同行唔應該驚，因為打工仔人工高咗，消費會多啲，對飲食業都有利。
余絲韻