陸東喺瑞銀嗰陣，以測市準繩度聞名，就連TCL喺公告內介紹董事時，都點明咗陸東經常贏取《亞洲貨幣》頒發嘅最佳策略員及最佳分析師，喺投資分析有超過20年經驗。
自從離開瑞銀後，陸東除咗大搞自己嗰檔Look's Asset Management Limited外，佢去年已陸續開始其他工作，包括喺去年中擔任華保亞洲（00810）嘅顧問，去年底又做咗嘉瑞國際（00822）嘅獨立非執董。佢依家喺TCL共擁有60萬股購股權，每股行使價為4.58元，TCL話以陸東嘅經驗、良好聲譽及形象，一定會有利公司發展喎。
余絲韻