楊秋梅履歷唔嘢小
自從劉青松喺○六年四月離任港交所上市科副總監後，直到依家先再聽到中證監有官員南下嘅消息，與以往最唔同嘅係，今次嚟香港嘅京官係位女士。
楊秋梅嘅學歷都幾勁，佢係美國伊利諾伊大學經濟系博士，曾經喺經合組織發展中心和經濟部做研究員，亦喺美國喬治華盛頓大學經濟系做過客座教授。後來佢返咗內地，喺中證監先後做過規劃發展委員會委員及國際部副主任，直至○七年五月再轉任基金監管部副主任，主管產品業務。
當初楊秋梅畀人調去基金監管部，市場即刻知道中證監高層對QFII及QDII嘅開拓係高度重視，佢唔單只了解內地市場，對國際事務又有豐富經驗，港交所搵人的確有番咁上下喎。
余絲韻