樂善好施 明言捐身家

「世界係唔公平嘅,但如果每個人肯付出少少,我相信會好啲,我控制唔到其他人點做,但至少我可以喺自己能力範圍以內做啲改變。」陸東認為個人有責任、有義務,以及有理由去回饋社會,當中就特別支持聖雅各福群會旗下由弱能人士所組成的「陶藝工作室」,而他位於中環的辦公室亦擺放了不少他們的陶瓷作品。

早前微軟主席蓋茨和股神巴菲特發表公開信表示願意死後捐出全部身家,怎料向來低調行善的陸東亦早已寫好平安紙,死後會將100%的身家捐作慈善用途。天生性格堅強,沒有任何宗教信仰,揚言凡事「信自己」的他甚至輕鬆地說:「如果下一秒鐘我死咗,我真係無嘢會留低,錢係帶唔走嘅,唔通我整副金棺材咩?」

熱愛工作 永不言休

真金白銀去捐錢是好事,但一時的救濟並不能解決問題的根本,因此陸東做善事便採取親力親為的態度,他直言:「你請人哋食魚,人哋食得一餐,但你教人捉魚,人哋就有維生能力。」投資如是,問別人「冧巴」,倒不如自己去做功課,敢言的陸東坦言:「世界有太多無知嘅人了。」

興趣方面,陸東自言不喜歡出街,假日多留在家中陪伴四隻愛犬及三隻烏龜。曾出版財經書籍《智者傲行》的他,原來亦十分喜愛閱讀,家中藏書多達過千本,「好多人買書用來擺,我就真係本本都會睇,史記、投資、寵物、烹飪……咩類型嘅書都會睇。」問及退休時間表,陸東認真地說:「有錢人鍾意賺錢,窮人就鍾意使錢,投資係我鍾意做嘅嘢,我好享受呢份工作,咁又點退休呢?我嘅未來目標係搞好呢盤基金生意。」

Money18新功能「18好路數」為你預測心水股票升跌機會率