43歲組私募 鼓勵創業
43歲才決定自行創立私募基金，曾任職瑞銀亞洲董事總經理的陸東表示：「一係你就打死一世工，一係你就創業，是但一樣嘅啫。」對於現今年輕人常言無機會「發圍」，但他依然鼓勵年輕人創業：「無人叫你去租百幾蚊呎嘅IFC做寫字樓，我呢度廿幾蚊呎，係行多條斜路仔，但咪又係中環，貴嘅寫字樓唔係唔好，只係你可以睇餸食飯，香港嘅美麗之處就係多選擇。」
回想起年少時期，陸東聲言：「細個阿爸阿媽要搵食，所以事事都要靠自己，依家啲父母就太過溺愛仔女，只會造成慈父慈母多敗兒，應該要畀佢哋跌吓。」
無懼九七 學成回流香港
八十年代初，人人開始害怕九七回歸，其後紛紛賣樓移民，但陸東反而覺得中國前景樂觀，回歸後的香港前途更是無可限量，於是八六年大學甫畢業他就立即從加拿大買機票回港發展，可見其先見之明。