內地通脹數據溫和，投資者放下憂慮，重新投入市場，詩詩話過只要個市唔死，大把股有得炒。
中信21世紀（00241）昨日見異動，走勢快現突破。睇番中信21世紀盤數，經營業務以科技為主，但項目頗為冷門，截至今年三月底止，期內營業額雖升4.7%至2.88億元，卻仍錄得虧損5,152萬元，雖然虧損較去年同期大幅收窄，但業績依然見紅。最誇張係市值以昨日收市價計接近50億元，但截至三月底止，每股NAV只有0.113元，若非其母公司有後着，該股實無可能維持在此水平。
諗嚟諗去，中信21股價炒得起，應同本業無關。事實上，當年母公司買中信21，股價喪升一路係炒注資。既然母公司中信集團已計劃來港上市，除非母公司落實注資答案，否則呢個炒作藉口有權將中信21一炒再炒。現價買入博升至上一浪頂1.8元，跌穿1.23元跳車。
詩詩