絲絲講場：李寧夥SKINS推超強裝備

梯度壓縮強化力量

呢個梯度壓縮運動裝備好巴閉o架，最大秘密就係佢嘅生物加速技術，同時結合咗特殊科技面料，可以針對唔同身體部位作科學剪裁，所以不但可加強肌肉力量及大幅降低肌肉震動，仲可以加強體內血液循環，以提高運動表現，真係認真犀利！仲有，呢個裝備可有保持身體恒溫、皮膚清爽、抗菌及防ＵV等功能。

咁勁嘅裝備，中國跳水隊、體操隊、羽毛球隊等五支李寧金牌隊當然已經試着喇，聽講連伊辛巴耶娃、巴朗戴維斯都有畀面捧場添。李寧首席執行官張志勇話，壓縮運動裝備剛好填補咗市場空白，又可以藉此促進中國體育事業嘅發展，再一次證明李寧喺體育事業上不遺餘力！

余絲韻