美股上周勁升3%，已成功收復近日失地，主要係數據理想。詩詩講過，大市唔死得，股仔自然有得炒，又係出擊機會。今日吼住晨訊科技（02000），上周五升逾3%，成功重上10日及50日線。集團較早前公布中期業績，純利增2.5倍至1.1億元，收入增77%，至20億元。晨訊主要業務為手機解決方案、無線模塊以及液晶顯示模塊，期內核心業務手機解決方案，出貨量和收入分別增長35%和1.3倍，整體手機解決方案（ODM）收入增幅超過3倍，跑贏同業。
內地加快推動「三網融合」，3G手機滲透率持續上升，有利帶動業務需求。為配合市場發展，晨訊積極擴充產能，計劃在未來12個月內將ODM的整體產能提升100%。除了手機業務外，晨訊在物聯網方面有獨特優勢，前景可睇高一線。現價買入，目標價2元，跌穿1.66元止蝕。
詩詩