中國基建港口（08233）主席周光暉近期風塵僕僕，因為佢係多家公司嘅獨立非執董，依家適逢公司業績高峰期，佢梗要忙開董事會。有啲公司可能會喺外地開董事會，好似佢擔任獨立非執行董事嘅招行（03968），上月就去咗內蒙呼和浩特開董事會，於是佢亦去咗內蒙一趟。
幸好此行收穫甚豐，除咗有機會一睹內蒙最出名嘅草原風光外，周光暉今次去到內蒙，亦有機會與蒙牛（02319）創辦人牛根生見面及食飯，佢仲大讚牛根生為人爽朗，飯局氣氛好好，睇嚟兩人惺惺相惜呢！
去到內蒙，周光暉仲試飲蒙牛嘅牛奶，佢覺得味道唔錯。今次去呼和浩特，佢仲同埋囝囝去，唔知囝囝有冇試飲蒙牛牛奶呢？離開呼和浩特後，佢又馬不停蹄再去北京開會，果然係大忙人！
余絲韻